Venerdé Sant
di Federica Longhi Pezzotti
Càla le ùmbre
söl Venerdé Sant
e là söl Calvàre
rèsta ‘na Crus,
söl vèl da Maria
cùla ‘l sò sanch,
la ciàma sò fiól,
töt sotaùs.
Cal sò bagài
sénsa pö fiàt,
cal sò bagài
uramài cundanàt,
cal sò bagài
có i óc urmai fés,
al só Gesù…
i ga l’à crucefés.
E pò töt d’an bót
la sént la sò ùs.
“Perché Màma,
ta ma cìrchet tra i mòrt?”
Maria la svalsa i òc vèrs la Crus.
Andóma dú lègn…
e ‘n Cristo Risòrt!
Ascolta l’audio
